Пинигин Павел Павлович

Бикипиэдьийэ диэн сиртэн ылыллыбыт
Пинигин Павел Павлович

Павел ПинигинОлимпиада чөмпүйүөнэ.

Олоҕун олуктара[уларыт | биики-тиэкиһи уларытыы]

1953 кулун тутар 12 күнүгэр Чурапчы улууһун Дириҥ сэлиэнньэтигэр төрөөбүтэ. Көҥүл тустуунан 1967 с. дьарыктаммыта. Аан дойду үс төгүллээх (1975, 1977, 1978), Эуропа уонна XXI Монреаллааҕы Олимпия оонньууларын чемпиона. «Бочуот Знага» уонна «Хотугу сулус» уордьаннарынан, «Үлэҕэ килбиэнин иһин» мэтээлинэн надараадаламмыта. Саха АССР физическэй култуураҕа уонна спорка үтүөлээх үлэһитэ. Украина үтүөлээх тренерэ. Омуктар икки ардыларынааҕы категориялаах экстра-кылаастаах судьуйа. СР «Динамо» түмсүүтүн вице-президенэ, милииссийэ полковнига, СР спортивнай тустууга Федерациятын вице-президенэ, республика тустууга хамаандатын Ил тренерэ.
Билиҥҥи кэмҥэ «Триумф» спорт Киинин тэрийэр директора.

Бастыҥ көрдөрүүлэрэ[уларыт | биики-тиэкиһи уларытыы]

  • 1975 — ССРУ омуктарын Спартакиадатын кыайыылааҕа. Эуропа уонна Аан дойду чемпиона.
  • 1976 — ССРУ чемпиона. XXI Олимп оонньууларын чемпиона.
  • 1977, 1978 — Аан дойду чемпиона.
  • 1973, 1979 — Аан дойду Кубогын кыайыылааҕа.
  • 1980 — XXII Олимпия оонньууларыгар 4-с призер.
  • 1993 — бэтэрээннэргэ Аан дойду чемпиона.

Кэргэнэ[уларыт | биики-тиэкиһи уларытыы]

Кэргэнэ — Мария Джумабаевна Кульчунова-Пинигина чэпчэки атлетикаҕа үгүс үрдүк көрдөруүлэрдээх бастыҥ спортсмен, ССРУ спордун үтүөлээх маастара, СР физическэй культураҕа, спорка үтүөлээх үлэһитэ. ХХIV Олимпиада чемпиона. Чэпчэки атлетиканан 1970 с. дьарыктанар. ССРС хас да төгүллээх чемпиона, рекордсмена, 400 м аан дойду чемпионатын икки төгүллээх боруонса призера. 16 сыл устата ССРС сүүмэрдэммит хамаандатын чилиэнинэн сылдьыбыта.

Наҕараадалара уонна ытык ааттара[уларыт | биики-тиэкиһи уларытыы]

  • ССРС спордун үтүөлээх маастара
  • Саха Өрөспүүбүлүкэтин культуратын уонна спордун үтүөлээх үлэһитэ
  • «Бочуот Знага» уордьан
  • Дьокуускай куорат Ытык олохтооҕо[1] (1976)
  • «Хотугу сулус» уордьан[2] (2006)
  • Саха Өрөспүүбүлүкэтин Президенын Грамотата[3] (2013)

Быһаарыылар[уларыт | биики-тиэкиһи уларытыы]