Михайлов Михаил Прокопьевич

Михайлов Михаил Прокопьевич — Мэкчиргэ Уола Бэһэлэйдээх Мэхээлэ (1830 - 1915), улуу олоҥхоһут.

Норуот ахтар Сунтаар улууһун ырыаһыттарыттан аҕалара.

Хочо улууһун (билигин Сунтаар улууһа) Хадан нэһилиэгэр 1830 сыллаахха төрөөбүтэ. Эдэр сааһыгар дьадаҥы буолан Өлүөхүмэ, Витим, Бодойбо бириискэлэринэн сырыппыта.

Олохсуйан баран ынах-сүөһү иитиитинэн дьарыктаммыта уонна эмиэ или сирдэринэн бородууксуйатын батара уонна эргинэ элбэхтих сылдьыбыта. Аатырбыт ырыаһыттар күрэхтэһиилэригэр кыттан элбэхик бастаабыттаах.

Олоҥхоһут быһыытынан аата Бүлүүгэ, Өлүөхүмэҕэ эрэ буолбакка, Саха сирин үрдүнэн аатырбыта.

А.Е. Кулаковскай фольклор хомуурунан дьарыктанар кэмигэр киниэхэ хаста да кэлэ сылдьыбыт.

Аатырбыт Өлүөхүмэ улууһун ырыаһытын Быча Уолун кыайбытын кэннэ айхаллаабыттара.

Кини ыллаабыт ырыалара элбэх томнаах хомуурунньук буолуо эбит. Хомойуох иһин А.Е. Кулаковскай суруйбута сүппүт.

Ол гынан баран Зверев - Кыыл Уола бэйэтин Тымныы кыһын туһунан поэматын бэчээттииригэр былыр Бэһэлэйдээх Мэхээлэ ыллыыр этэ диэн бэлиэтээбит.

Өссө маны көр

• Зверев С. Аман өс. Дьокуускай, 1971.

Ылыллыбыт сирэ

• Энциклопедия Якутии. Якутск, 2000.