Кыһыл тэтиҥээйи
Бикипиэдьийэ диэн сиртэн ылыллыбыт
Кыһыл тэтиҥээйи (лат. Leccinum aurantiacum S.F. Gray, нуучч.: осиновик красный, красноголовик) — үрдүкү тэллэйдэргэ киирэр сиэнэр тэллэй.
Саха сирин соҕуруу, киин уонна арҕаа улуустарыгар үүнэр. Сииктээх сэбирдэхтээх уонна булкаас ойуурдарга көстөр.
[уларыт] Оҥоһуутун ойуулааһын
Сэлээппэтэ: көппөҕөр, ньуолах түүлээх ньуурдаах, өҥө бастаан кыһыл, онтон хараҥа кыһыл. Туруупкалаах араҥата: үрүҥ, онтон кирдээх үрүҥ. Этэ: үрүҥ, алдьаттахха бастаан халлаан куөҕэ буолар, онтон хараҥа чэриниилэ өҥнөнөр. Атаҕа: төкүнүк, уһун, үрүҥ өҥнөөх[1].
[уларыт] Хомуллар кэмэ
От ыйа — балаҕан ыйа, бастакы хаһыҥ түһүөр дылы. Саамай иҥэмтэлээх тэллэйдэртэн биирдэстэрэ.
[уларыт] Быһаарыылар
- ↑ Грибы Якутии. Г.С. Угаров уонна соавт., Дьокуускай, Бичик, 2009
