Кустар

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Кустар

Кустар, Өрдүкээннэр. Куһу сахалар кураанах кус уонна үөл кус диэннэргэ араараллар. Кураанах кус (көҕөн, моонньоҕон, мороду, чөркөй, халба) күөл мууһа ситэ уулла илигинэ кэлэр. Ууга үчүгэйдик умсубат, үксүн чычаас ууга сылдьар. Оттон үөл кус ууга уһуннук умсар, дириҥ ууга сылдьар (орулуос, анды, ээбиллэ, куоҕас, булчут, умсаах, балыксыт) муус ууллубутун кэннэ кэлэр. Саамай кэлин анды кэлэр. Анды хап-хара өҥнөөх, хоптоҕор муруннаах улахан көтөр.

Куһу кытта ситимнээх халлааны анаарыы[уларыт | биики-тиэкиһи уларытыы]

  • Кус оҕотун иккистээн ууга киллэрдэҕинэ, күһүн уһуур. Сайын иккитэ сымыыттыыр.
  • Кус үөрэ халыҥ буоллаҕына, саас эмискэ кэлэр.
  • Кус этэ эмис буоллаҕына, тымныы, хатааһыннаах саас буолар.