Кралин (Иванов) Алексей Евсеевич

Кралин (Иванов) Алексей Евсеевич (29.03.1893—1974) — Гражданскай сэрии кыттыылааҕа, байыаннай хамандыыр, салайааччы, бэлиитик.

Олоҕун олуктара

1893 сыллаахха кулун тутар 29 күнүгэр Амма оройуонун Абаҕа с. дьадаҥы дьиэ кэргэҥҥэ төрөөбүт. Аҕата, Евсей Иванович Иванов, күүтүүлээх уола төрөөбүтүгэр, биир дойдулааҕын нуучча политсыылынайын Алексей Кралины саҥа төрөөбүт уолун киинин быһарыгар көрдөспүт. Быыһааччы буолан, Кралин уолга бэйэтин аатын биэрбит. Уоллара икки кылаастаах церковно-приходскай оскуоланы бүтэрбитин кэннэ, салгыы үөрэттэрээри, Ивановтар Дьокуускайга көспүттэр.

Дьокуускайга А. Кралин политкуруһуоктарга, маевкаларга сылдьан, бастаан Максим Аммосов, Платон Слепцов — Ойуунускай ааттарын истибит, хойут кинилэри кытта ыкса билсибит.

Саха Сиригэр Сэбиэскэй былаас олохтоммутун кэннэ А. Кралин улууһун Ревкомугар үлэлээбит.

1920 сыллаахха партияҕа киирбит.

1921 сыллаахха Үөһээ Дьааҥыга уезд партячейкатын секретарынан анаммыт, ону сэргэ милиция начальнигынан үлэлээбит.

ннан барбыт.

1922 с., муус устар — Өлүөхүмэ уездком РКП(б) секретарынан талыллыбыт, олохтоох бойобуой дружина начальнигынан анаммыт.

Саха правительствота А. Кралины Казань куоракка РККА команднай составын куурустарыгар ыыппыт.

Туркестаҥҥа Сэбиэскэй былааһы олохтооһун кэмигэр 4-с Туркестанскай полк кавалерийскай взводун командира.

1924—1926 сс. — Саха Сиригэр төннөн, Дьокуускайга национальнай рота военкомунан анаммыт.

1925 с. — И. Я. Строд этэрээтин военкома, Артемьев этэрээтин утары сэрилэспит.

1926 с., от ыйа — 1928 с., ыам ыйа — Алдан уокуругун Сүбэтин исполкомун бэрэссэдээтэлэ.

1928 сыл атырдьах ыйын 9 күнүгэр «норуот өстөөҕө» диэн хаайыллыбыт, Мурманскай уобаласка 20 сыллаах хаайыыга ыыппыттар. 1940 сыл бэс ыйын 21 күнүгэр реабилитацияламмыт, Саха АССР НКВД дьыалатын дакаастаамматаҕынан тохтоппут.

Босхолонон баран Кэбээйи оройуонугар рыбнадзорга, ол кэннэ эргиэн тэрилтэтигэр бэрэссэдээтэлинэн үлэлээбит.

Пенсияҕа тахсыар дылы Лүксүгүҥҥэ кыылы иитэр ферма дириэктэринэн үлэлээбит.

60-с сыллар бүтүүлэригэр А. Е. Кралин (Иванов) дойдутугар, Абаҕаҕа, олорбут.

Наҕараадалара уонна ытык ааттара

• Ленин уордьана

Аатын үйэтитии

• А. Е. Кралин аата Абаҕа агро-оскуолатыгар иҥэриллибит (1992)

Сигэлэр

Интернет-версия Оймяконской районной газеты:Память о них священна:Председатель райсовета