Жадейкин Максим Степанович

	Жадейкин Максим Степанович
Төрөөбүт күнэ	1914
Төрөөбүт сирэ	Налитово с., ; Россия империята
Өлбүт күнэ	9 тохсунньу 1944
Өлбүт сирэ	Буряки с., Житомир уобалаһа, Украина
Сулууспалаабыт дойдута	ССРС
Сулууспалаабыт сыллара	1941—1944
Солото	Гвардия младшай сержана Младший сержант
Кыргыһыылар/сэриилэр	Аҕа дойду Улуу сэриитэ Днепр иһин кыргыһыы;

Жадейкин Максим Степанович (1914, Налитово с. —09.01.1944, Украина) — Аҕа дойду Улуу сэриитин кыттыылааҕа, Сэбиэскэй Сойуус Геройа (1944).

Олоҕун олуктара[уларыт | биики-тиэкиһи уларытыы]

1914 сыллаахха Налитово сэлиэнньэҕэ (билиҥҥи Пуркаево, Дубёнскай оройуон, Мордовия) төрөөбүт.

1934 сылтан Саха АССР көмүс хостуур приискаларыгар, ол кэннэ болуотунньуктар биригэдьиирдэринэн үлэлээбит.

1941 сыллаахха Алдан оройуонун военкоматынан Кыһыл Аармыйаҕа ыҥырыллыбыт. Бронебойщиктар куурустарын бүтэрбит. Уһук Илин сулууспалаабыт.

1943 сыл от ыйыттан Аҕа дойду Улуу сэриитигэр кыттыбыт. Брянск, Киин, Бастакы Украинскай фроннар кыргыһыыларыгар кыттыбыта. Курск кыргыһыытыгар кыттан, бааһырбыта.

1943 сыл балаҕан ыйыгар гвардия младшай сержана Максим Жадейкин отделение командирынан сылдьыбыта, Днепр кыргыһыытыгар хорсуна бэлиэтэммитэ.

1943 сыл балаҕан ыйын 27 күнүгэр отделение кытары, өстөөх күүстээх уотун көрөн туран, Днепр өрүһү Великий Букрин сэлиэнньэ аттынан туораан, плацдарм былдьааһыныгар көхтөөх кыттыыны ылбыта. Ол кыргыһыыга өстеех танкатын уонна пулемётун эспитэ.

Ол плацдармы 2-с батальону кытта үс суукканы быһа көмүскэспит. Төрдүс күнүгэр бэйэтин подразделениетын, өрүһү туорааһыҥҥа сүтэрсибит, булан, салгыы кыргыһан өстөөх 2 танкатын, 3 бронетранспортёрун, 10-ча пулемёту эспитэ. Киев аттынааҕы кыргыһыыларга Жадейкин отделениетын кытта өстөөҕү утары ситиһиилээхтик сэриилэспит. Ол курдук, Попельни оройуонугар өстөөх танкатын уонна 3 бронетранспортёрун суох гыммыт.

1944 сыл тохсунньу 9 күнүгэр Украина Житомир уобалаһын Бердичевскай оройуонун Буряки сэлиэнньэтин аттынааҕы кыргыһыыга ниэмэс танкатын уонна 3 бронетранспортёру эспит, кыргыһыы хонуутугар өлбүт. Украинаҕа Буряки сэлиэнньэ кылабыыһатыгар көмүллүбүт^[1].

ССРС Үрдүкү Сүбэтин Президиумун 1944 сыл тохсунньу 10 күнүнээҕи Ыйааҕынан Днепр өрүһү туорааһыҥҥа хорсун, геройдуу быһыытын, өстөөхтөр ылбыт плацдармнарын туруорсуутун иһин гвардия младшай сержаныгар Максим Жадейкиҥҥа Сэбиэскэй Сойуус Геройун аата иҥэриллибитэ.

Наҕараадалара[уларыт | биики-тиэкиһи уларытыы]

«Кыһыл көмүс Сулус» мэтээл (10.01.1944)^[2]^[3] ^[4]
Ленин уордьана (10.01.1944)
«Хорсунун иһин» мэтээл (05.11.1943)^[5]

Аатын үйэтитии[уларыт | биики-тиэкиһи уларытыы]

Герой аатынан Дубёнки диэн сэлиэнньэҕэ уулусса ааттаммыт.
Дойдутугар (Пуркаевоҕа) оскуолаҕа Герой аата сүктэриллибит. Пуркаевоҕа бюст туруоруллубут.
Алдан улууһугар Ленинскэй бөһүөлэккэ Сэбиэскэй Сойуус Геройдарыгар — Кирьянов П. Н., Лебедев А. И., Жадейкин М. С., Космачёв М. М., Тепляков М. П. — өйдөбүнньүк туруоруллубут.