Дьячковскай Семён Федотович
| Дьячковскай Семён Федотович | ||
| Төрөөбүт күнэ | ||
|---|---|---|
| Төрөөбүт сирэ |
Киров нэһилиэгэ, Горнай улууһа, | |
| Сулууспалаабыт дойдута | ||
| Сулууспалаабыт сыллара |
1942—1946 | |
| Кыргыһыылар/сэриилэр | ||
| Наҕараадалара |
| |
Семён Федотович Дьячковскай — Аҕа дойду улуу сэриитин кыттыылааҕа, биллиилээх спортсмен.
Олоҕун олуктара[уларыт | биики-тиэкиһи уларытыы]
1922 с. билиҥҥи Горнай улууһун Киров нэһилиэгэр төрөөбүт.
1942 сыллаахха 20 саастааҕар сэриигэ баҕа өттүнэн, бэйэтэ тылланан барбыт. Уралга Бершеть байыаннай горнизонугар 19-с туспа хаһыйар биригээдэтигэр отделение хамандыыра буола үүммүт. Ильмень күөллээҕи сэймэктээһиҥҥэ бастакы бойобуой сүрэхтэниитин ылбыт. 1946 с. демобилизацияламмыт. Сэрии хонуутуттан Кыһыл Сулус уордьаннаах уонна мэтээллэрдээх эргиллибит.
С. Ф. Дьячковскай өр кэмҥэ лесопункт тэрилтэ салайааччытынан үлэлээбит. Эдэр сааһыттан тэтиэнэх, кытыгырас буолан, оччолорго спортка биллэр-көстөр ситиһиилэммит.
1940 с. сэрии иннигэр оройуоннарынан, куораттарынан хайыһарга эдэр ыччат комсомольскай кросстара маассабайдык ыытыллара. Онно республика үрдүнэн 13 киһи «Комсомольскай кросс актыбыыһа» диэн значогунан, анал грамоталарынан наҕараадаламмыттар. Кинилэр ортолоругар Горнайтан Бэрдьигэстээх орто оскуолатын VII кылааһын үөрэнээччитэ Семен Дьячковскай биир бастакынан ылбыт.
Сэрии кэнниттэн 1947 с. Дьокуускайга буолан ааспыт республика сайыҥҥы спартакиадатыгар 17 хамаанда кыттыбыт. Онно 188 спортсмен чэпчэки атлетикаҕа уонна спорт национальнай көрүҥнэригэр күрэхтэспит. Курдаһан тустууга Горнайтан Семён Дьячковскай чемпион аатын ылбыт.
Спортка ситиһиилэрэ[уларыт | биики-тиэкиһи уларытыы]
- 1941 с.хайыһарга тыа сирин оройуоннарыгар республикаҕа 18 км чемпион;
- 1949 с. Покровскайга ыытыллыбыт республика холкуостаах ыччаттарын спартакиадатыгар абсолютнай рекорду олохтообута. Тройнойга - 12 м 26 см түһэн абсолютнай чемпион буолбута;
- 1947 с. республика тыа сирин күрэхтэһиитигэр гранатаны быраҕыыга тэҥнээҕин булбатаҕа;
- 1949 с. зонатааҕы күрэхтэһиигэ үрдүгү ойууга 1 м 35 см ойон 1 миэстэ, эмиэ ол сыл республика сайыҥҥы спартакиадатыгар тройнойга 11 м 50 см ыстанан, II миэстэҕэ тахсыбыта;
- 1948 с. республика сайыҥҥы спартакиадатыгар мас тардыһыыга 70 кг үөһэ II миэстэни ылбыта;
- 1947 с. хайыһарга Саха АССР тэриллибитэ 25 сылын чиэһигэр тыа сирин хайыһардьыттарын ортотугар 10 км бастаабыта. Ол курдук, эстафетаҕа дьахталларга 3х3 км, эр дьоҥҥо 4х5 км бастаабыттара.
Семён Фетодович хайыһарга республикаҕа күүстээх сүүрүүгүнэн 1940 с. биллибитэ. Кини онно бэйэ оҥоһуу хайыһарынан 3 көскө II миэстэни ылбыта. Сэрии кэнниттэн Ленинградскай уобаласка сылдьан, 2 көмкө хайыһарынан сүүрүүгэ II миэстэлээх призёр буолбута.
1971 с. Баһылай Манчаары спартакиадатыгар хапсаҕайга 45-тэн үөһэ саастаахтарга III миэстэни ылбыт.
Наҕараадалара уонна ытык ааттара[уларыт | биики-тиэкиһи уларытыы]
- «Кыһыл Сулус» уордьан (05.03.1944)[1]
- Саха АССР норуотун хаһаайыстыбатын үтүөлээх үлэһитэ
- Горнай улууһун ытык киһитэ[2]
Быһаарыылар[уларыт | биики-тиэкиһи уларытыы]
- ↑ Наградные документы в электронном банке документов «Подвиг Народа»
- ↑ Почетные граждане, известные люди района
Сигэлэр[уларыт | биики-тиэкиһи уларытыы]
- Бэрдьигэстээх. /«Үлэ күүһэ» хаһыат редакцията" ГУ; [Бэчээккэ бэлэмнээтэ В. И. Алексеев] — Дь., 2010.