Доллу (Сивцев Степан Николаевич)

Бикипиэдьийэ диэн сиртэн ылыллыбыт

Степан Николаевич Сивцев — ДоллуСаха Өрөспүүбүлүкэтин үтүөлээх артыыһа, Саха Өрөспүүбүлүкэтин суруйааччыларын уонна суруналыыстарын Сойуустарын чилиэнэ.

Олоҕун олуктара[уларыт | биики-тиэкиһи уларытыы]

1950 сыллаахха бэс ыйын 26 к. Доллу нэhилиэгэр Мэҥэ-Хаҥалас улууhугар колхуостаах дьиэ кэргэҥҥэ төрөөбүтэ. Доллу начальнай оскуолатын кэнниттэн Төҥүлү орто оскуолатын 1968 сыллаахха бүтэрэр.

1974 сыллаахха М. С. Щепкин аатынан Малай театр иhинэн Yрдүкү театральнай училищены туйгуннук бүтэрэн киинэ, драма артыыһа идэлээх кыһыл диплому ылар.

1974—1976 сс. Ньурбатааҕы көһө сылдьар Судаарыстыбаннай тыйаатырыгар үлэлиир.

1976 сылтан Саха Академическай тыйаатырыгар артыыһынан киирэр.

1991 сыллаахха Марксизм-Ленинизм университетын хаhаайыстыбаннай салайааччылар факультетын бүтэрэр.

1994 сылтан 1998 сыллаахха диэри Президент Ыйааҕынан Саха Судаарыстыбаннай циркэтин дириэктэринэн, 1998 сылтан Саха өрөспүүбүлүкэтин Бырабыыталыстыбатын уурааҕынан “Сахафильм” Судаарыстыбаннай национальнай кинокомпаниятыгар генеральнай дириэктэринэн ананар.

Оонньообут сүрүн оруоллара:[уларыт | биики-тиэкиһи уларытыы]

Ц. Шагжин “Абааhылаах сундуук” - Дамдин (реж. С. Слепцов);
И. Семенов “Сонордьуттар” Молохобуос Уйбаан (реж. Ф. Потапов);
Баhылай Харысхал “Аммаҕа саас этэ” - Туруукап (реж. К. Сергучев);
Суорун Омоллоон “Күкүр уус” - Дьуур (реж. В. Фомин);
И. Гоголев “Эр дьону харыстааҥ” - Хап-Хап (реж. Ф. Потапов);
А. Борисов, В. Протодьяконов “Yс саха төрүөҕэр” - Максим Аммосов (реж. А. Борисов);
Ойуунускай “Дойду оҕото Дорогуунап Ньукулай” - Боhукуотап атыыhыт (реж. А. Борисов);
Софрон Данилов “Бааhына” - Кирилэ (реж. В. Фомин);
Б. Брехт “Сычуань үтүө киhитэ” - Полицейскай (реж. А. Борисов);
С. Курилов “Ханидуо уонна Халерхаа” - Алитет (реж. А. Борисов);
Суорун Омоллоон “Күөх Көппө” - Кууhума (реж. В. Фомин);
Сиэн Чолбодук “Оҕуруолаах ураhа” - Байбал (реж. В. Фомин);
А, Чехов “Хопто” - Шамраев (реж. А. Борисов)
уонна да атыттар.

Барыта 60-тан тахса оруоллары айда.

«Суол тоҕойугар» кэпсээннэр хомуурунньуктарын ааптардарыттан биирдэстэрэ. «Хатыламмат түгэннэр, умнуллубат айаннар» диэн Саха тыйаатырын туһунан кинигэ ааптара. Ыстатыйалара, очеркалара «Чолбон» сурунаалга, «Кыым», «Саха Сирэ», «Сахаада» хаhыаттарга тахсаллар. Кини хоhоонноругар ырыалар айыллаллар. Олортон «Төрөөбүт дойдум Төҥүлүм» (В. Никаноров) уонна «Туруйалар» (С. Игнатьев) мелодиялара киэҥник дьоҥҥо ылланаллар.

Театр диэйэтэллэрин Сойууһун чилиэнэ. Дьокуускай куоратын дьокутааттарын сэбиэтин дьокутаатынан (XXI-c ыҥырыы) быыбардана сылдьыбыта.

1995 сыллааха Президент Ыйааҕынан Саха Өрөспүүбүлүкэтин үтүөлээх артыыһын бочуоттаах аата иҥэриллибитэ[1].

Наҕараадалара уонна ытык ааттара[уларыт | биики-тиэкиһи уларытыы]

  • Саха Өрөспүүбүлүкэтин үтүөлээх артыыһа (1995)

Литература[уларыт | биики-тиэкиһи уларытыы]

  • Хатыламмат тyгэннэр, умнуллубат айаннар. — Дьокуускай, 1994. — 143 с
  • Дэгиттэр талааннаах этэ…: [Арт. К. Д. Борисов] // «Чолбон». — 1999. — N 9. — С. 68—70.
  • Режиссер Потапов: Россия уонна Саха Республикатын yтyолээх артиhа Ф.Ф. Потапов торообyтэ 70 сылыгар // «Саха Сирэ». — 1999. — Ахсынньы 23 к.
  • Кытай дойдутугар // «Саха Сирэ». — 1997. — Олунньу 21 к. — С. 4.
  • С. Н. Сивцев туhунан: Саха Республикатын Президенин ыйаа5а. 1998 с., тохсунньу 26 к. — «Саха Сирэ». — 1998. — Тохсунньу 31 к. — С. 2.
  • Сындалҕаннаах айаны, үгүс үлэни тулуйан // «Саха Сирэ». — 1996. — Балаҕан ыйын 6 к. — С. 4.
  • Циркэбит бастакы хардыылара // «Саха Сирэ». — 1995. — Олунньу 22 к. — С. 4.
  • Сана суолу-ииhи тэлэллэр: [Саха театра — Польшаҕа] // «Саха Сирэ». — 1993. — От ыйын 7 к.
  • Үөрдэ-көтүтэ турдарбын ... // «Кыым». — 1993. — Муус устар 8 к.
  • Уон сыллаах үлэбитин анааран көрдөххө // «Саха Сирэ». — 1992. — Ыам ыйын 20 к.
  • Ханнаҕыный, мин сулуhум? :[Режиссер А. С. Борисов айар үлэтэ] // «Хотугу сулус». — 1987. — N 3. — С. 79—81.
  • Борисова А. Китайские циркачи худому не научат: [Отобраны 20 детей для обучения цирковому искусству в Китае] // «Якутия». — 1997. — 5 июля. — С. 15.
  • Третьякова М. Кинилэр тустарынан өссө биирдэ…: [Гос. циркэ үлэтэ] // «Саха Сирэ». — 1995. — Бэс ыйын 6 к.
  • Ушницкай И. Артист дьылҕата // «Кыым». — 1990. — Тохсунньу 27 к.

Быһаарыылар[уларыт | биики-тиэкиһи уларытыы]

Сигэлэр[уларыт | биики-тиэкиһи уларытыы]

Национальная библиотека Республики Саха (Якутия):50 лет со дня рождения С. Н. Сивцева — Доллу Архыыптаммыт 2012, Ыам ыйын 6 күнүгэр.