Дойду хатыҥаайыта

Дойду хатыҥаайыта (лат. Leccinum scabrium (Fr.) S.F. Gray, нуучч.: Березовик обыкновенный, подберезовик, обабок) — үрдүкү тэллэйдэргэ киирэр сиэнэр тэллэй.

Саха сирин бары улуустарыгар үүнэр. Булкаас уонна хатыҥ ойуурдарга көстөр.

Оҥоһуутун ойуулааһын

Сэлээппэтэ: көппөҕөр, көнө ньуурдаах, өҥө сырдык хоҥортон хараҥа хоҥорго дылы.
Туруупкалаах араҥата: кирдээхтиҥи үрүҥ
Этэ: үрүҥ, өнө уларыйбат.
Атаҕа: төкүнүк, уһун, көҥдөй.

Хомуллар кэмэ

От ыйа — балаҕан ыйа. Сыаналаах тэллэйдэргэ киирэр. Ардах кэннэ тута хомуллубат, оччоҕо наһаа минньигэһэ суох буолар. Элбэх бүлүүдэҕэ туттуллар.