Григорян Грант Арамович
Григорян Грант Арамович (13.04.1919—27.01.1962) (эрмээннии: Հրանտ Գրիգորյան) — композитор, саха бастакы мелодистарын, композитордарын үөрэппит киһи[1].
Олоҕун олуктара[уларыт | биики-тиэкиһи уларытыы]
- 1919 сыл муус устар 13 күнүгэр Грузияҕа Сухуми куоракка төрөөбүтэ. Аҕа дойдуу улуу сэриитигэр кыттыбыта.
- 1952 (1953?) сыллаахха Москва куорат П. И. Чайковскай аатынан консерваториятын Е. К. Голубев профессор композиция кылааһын бүтэрбитэ.
- 1940—1947 сс. Бастакы Дальневосточнай армия ырыа уонна үҥкүү Ансамблыгар сулууспалаабыта.
- 1953 сылтан Дьокуускайга олорбута, Музыка училищетыгар учууталлаабыта, саха музыка культуратыгар сүҥкэн кылааты оҥорбута. 1954 сыллаахха ССРС композитордарын сойууһугар киирбитэ.
- 1962 сыл тохсунньу 27 күнүгэр быһаҕынан өлөрбүттэрэ. Буруйдаах булуллубатаҕа.
Айымньылара[уларыт | биики-тиэкиһи уларытыы]
90 сахалыы ырыаны, сахалыы опера, сахалыы оперетта муусукатын айбыта, Дьокуускайга турбут балет муускуатын ааптара, саха тиэмэтигэр уонунан бөдөҥ симфоническай айымньылаах[1].
- "Саха сирэ барахсан" икки томнаах хуордар уонна ырыалар хомуурунньуктара (1971—1972), Февронья Баишева көмөтүнэн.
- «Лоокут уонна Ньургуһун», опера.
- «Дьол тааһа», балет (1961).
- «Сир симэҕэ», оперетта (1962).
- «Северная весенняя», оратория (1955).
- Симфония (1955).
- «Праздник в горах», опера (О. Туманян).
- «Солнце над Китаем», кантата.
- Саха тематыгар скрипка уонна оркестрга аналлаах концерт.
- Саха норуотун ырыаларын тупсарыыта.
Наҕараадалара уонна ытык ааттара[уларыт | биики-тиэкиһи уларытыы]
- Саха АССР искусствотын үтүөлээх диэйэтэлэ (1957)
- РСФСР искусствотын үтүөлээх диэйэтэлэ (1958)