Бикипиэдьийэ:Rq халыыпка быһаарыылар

Бикипиэдийэ бэйэтэ анал быраабылалардаах уонна олохтоммут туспа сиэр-майгы өттүнэн ирдэбиллэрдээх.

Ханнык баҕарар ыстатыйа категориялаах уонна, баар буоллаҕына, атын тылынан суруллубут майгынныыр тиэмэҕэ сигэнэр буолуохтаах. Ханнык баҕарар ыстатыйа ханнык эрэ источникка олоҕуруохтаах. Ханнык баҕарар ыстатыйа (хайаан да буолбатах) ойуулаах буолуохтаах.

Сороҕор суруйар киһи ыстатыйа тупсаҕай буоларын соҕотоҕун ситиһэр кыаҕа суох буолар. Холобур, ханнык категорияҕа хайдах киллэрэрин мунаарыан сөп, эбэтэр атын омук тылын билбэт буолан атын тылынан суруллубут ыстатыйаларга сигэнэри сатыа суоҕун сөп. Аппараата суох буолан эбэтэр ыстатыйатын эттигэ ырааҕа бэрт буолан хаартыскаҕа түһэрэр кыаҕа суох буолуон сөп. Оччоҕо көмө көрдүүргэ бу {{rq}} халыыбы араас парааматырдарын туһанан туруоран биэриэн сөп.

Сороҕор кыттааччы ыстатыйаны ааҕа олорон «туга эрэ сөп түбэспэт» дии саныыр, ол гынан баран хайдах көннөрөрүн билбэт, эбэтэр бокуойа суох буолар. Оччоҕо эмиэ бу халыыбы туттуон сөп. Бу халыып ыстатыйаны сыаналааһын да, ыйыы-кэрдии, сорудах да буолбатах. Көннөрү бэлиэ эрэ. Онон ыстатыйа ааптара өһүргэнэрэ олоҕо суох. Халыып турар сыала-соруга — аналлаах категориялары туруоруу — атын дьон түргэнник булан ситэтэ суох ыстатыйаны тупсаралларын курдук.