Балакшин Георгий Русланович

Бикипиэдьийэ диэн сиртэн ылыллыбыт
Балакшин Георгий Русланович

Балакшин Георгий Русланович — боксер, чэпчэки ыйааһыҥҥа боксёр-любитель, Эуропа 2002, 2004 уонна 2006 сс. чөмпүйүөнэ, элбэхтэ Россия чөмпүйүөнэ (20002003, 2006, 2007 сс.), Россия 2004 уонна 2008 Олимпиадаҕа хомуллубут хамаандаларын чилиэнэ.

Олоҕун олуктара[уларыт]

1980 сыл кулун тутар 6 Ньурба улууһун Антоновкатыттан төрүттээх.

Иккис кылаастан ыла Ньурбатааҕы оҕо спортивнай оскуолатыгар СР үтүөлээх тренерэ А. И. Пахомов салалтатынан боксанан утумнаах дьарыгын саҕалаабыта. 1996 — «Азия оҕолоро» оонньуу чемпиона, 1997 — уолаттарга Эуропа чемпиона, Аан дойду күрэхтэһиитин иккис призера, 1999 — Россия-АХШ хамаандаларын табаарыстыы көрсүһүүтүн кыайыылааҕа. 2000, 2001, 2002, 2003, 2006, 2007 - Россия чемпиона. 2001 — Аан дойду чемпионатын боруонса, Үтүө Дьулуур оонньууларын үрүҥ көмүс призера. «Кыһыл көмүс ринг» турнир кыайыылааҕа, нефтяниктарга Аан дойду Кубогын хаһаайына. 2002, 2004, 2006 — Европа чемпиона, 1999 сылтан Россия сүүмэрдэммит хамаандатын кыттааччыта. 2008 с. Пекиҥҥэ (Кытай) буолбут XXIX Олимпия оонньууларыгар боруонса мэтээли ылары ситиспитэ. Киирсэр ыйааһына 51 киилэ. Омуктар икки ардыларынааҕы кылаастаах спорт маастара. Спорт үтүөлээх маастара.

Наҕараадалара уонна ытык ааттара[уларыт]

  • «Хотугу сулус» уордьан[1] (2008)

Быһаарыылар[уларыт]

Ылыллыбыт сирэ[уларыт]

  • Диодорова-Лаврентьева С. В. 'Саха халандаара, 2009. — Дь.: «Бичик», 2008